Hun a liam a, Silver Jubilee pawh a liam ta. Tunah zawng rauthla a lengin kan fang leh mek a, hei pawh hi a la liam thuai ta ve ang. Kohkir rual ni ta si lo, khawilo khualzin cham anga cham hlen theihna mai te chu nise a chakawm nen, Thuhriltu in ‘Engkim mai hi engmah lo mai alo ni’ a tih te chu mahni inhnem nan hman tak ka nap ta mai. Lunghnur tihtheih va awm chuang suh, thu in i han inhnem teh ang ti dawn ila hmunin min daih leh lo, heti chauh tal hian..
Mizo Val Ngei!
Nl. Ruth-i ‘Mizo val ngei’ hla mawlh kha,a bul tanna atan kan lo hre har! hla khan a sawi vek seng si lo a, thuin lo belh ang. Mizo nih nawm zia ngaihtuahna thar neihtirtu che anih loh chuan piansualna kawngkhat i nei! Nia Mizo a kan lo piang hi siamtu hnena lawmthu sawi mawlh mawlh na tham ani. Min hual vel tu kan vai thenawm te hian ‘zo’ ram nawmzia leh ‘zo’ mi nih nawmzia hi an suangtuah thiam lo. Anni chuan ‘sum’ ah an zawng a, keini chuan a thlawnin kan nei hlauh. Mahni pual a neih an tum a, keini zawngin kan zavai hian kan chen tlang hlauh si! Danglam ngailo thlamuanpui thlak mizo val khawi hmunah kan nei thei hi kan lawm e.
Ennawm Mizo lanu ngei!
A val lam ringawt ani lo, lanu lam te hlei hlei chhuanlam awmloa chhuan tlak an ni. Luhka ah min lo lawm tura an inpeih han hmuh ringawt pawh kha a thlamuan thlak! Eng cheivulna hranpa mah ngai loin an par vul ani. Bus tawtah hmel lama rual pawl lo tak tak te nen rawn inhnawh thinrim teuh hnuah ‘Aw hmeltha!’ tia chawivul ten an lo chiau au che kha chu i luangliam chu ani ber lawm ni! Kan hnamdang unaute chuan zah tak chungin mi an lo lawm thin ani thei e, keini erawh chuan zah bik nei lo in duhsakna nen kan in lawm tawn a, ‘thenna reng a awmlo’ tih hi mitinah atakin an pho lang a, hmangaihna an ngah, an sem zai thiam bawk tiin thlip mai ang!
Talent ropui
Kan thlen chin apianga kan mamawh tawk talent kan nei kim thei zel hi kan hausakna thuruk ani. Zai lama kan duailo chu thuhran, a belhchhah mite tihlim tel kan han thlir ho te kha ‘Indian Idol’ chu kan ngai lo teh ania. Zoram lama super star kan ngai lo, kan inchhawp sa vek. ‘India has got a talent’ pawh kan ngai lo, nursery zirlai naupang atanga putar innghak thlengin kan nei kim a, Paris lama thlawhna ticket nena in hum thlak ngai lo in kawtkaiah kan chhuan tleitir hmeltha in an pheichheh mawi min hlui a, ‘lenlai a rual lo apawi ber mai’ tih lo thunawn ta pawh ni ila, ka mawh lo ve.
Zirtu ata zirtur
Kan naupangte ‘an phak tawk atanah chuan a sang lua e’ tih tura lam an rawn thai kha chu lawmman siam sak ve tlak an ni. A zirtirtu lamin a zir nihmiang! Min tiphuisui mai ani lo a, rual u zawkte chona pawh ani tel. Kan naute hi kaihruaitu an awm phawt chuan zuitu ni turin an inpeih reng tih hi phat rual ani lo ka ti ta ani. Entawntlak zirtirtu ni tura kan inpeih thin lo hi a buaithlak lai chu ani. Mahni phak tawk theuha zirtu ni chunga zirtur nei turin tan han la thar leh teh ang.
Laichhuat chhirin
‘Tlai mah var ila, kan inning chuang lawng e’ tihte chu a thluk leh awmzia hre lo pawh ni la, kan nula tlangval ten lungruala laichhuat an rawn chhir meuh i hmuh chuan an zinga han tel ve a, ‘zamual chu liam lul suh’ han tih pui vawng vawng i chak ve ang. Kan tunlai khawvela zankhaw tairek thlenga lam thin khawvel nula tlangval te hian eng tuiril leh hlo mah hmanglo a kan han chai te kha chu min thik ngawtin ania ka rin ni! Zep thu cheng lo, keini pawh dawhsana han chuankai ve a, chawnban han theh ve ziai ziai mai kha kan suangtuah anih kha. A ropui e, hmanlai ata tawh tun thleng atana chuai theilo ennawm tling kan nei hi chawi nung zel teh ang u.
Zai ru Lalpa fakin
‘Khuanu’ tel lo chuan khuangchawi a kim lo. Zaia Lalpa fakna tel lo chuan keini zawng kan thiam lo. Zaia fak tur hian keini hi thlan bik kan ni te pawh ti ta ila, inchhuan na a ni dawn em ni! Pathian hi kan fak avanga mawi ni lovin, fak tlak leh chawimawi tlak ani hi a ropui na a ni a, chu fakna chuan a faktu keini engmah nilo te hi min lo chawimawi tel ve mai chauh a lo ni. Van zaipawl rual nen ‘Halelui’ kan rem hunah phei chuan he lei damchhung ni a kan lo chawimawi ve na te hi kan la sit cheu ang ti nia! Chumai ani hlei nem ‘vaivuta siam vaivuta kir leh tur’ milem din chawp hmaa zaia kan lam lo hi Amah min hmangaihtu vang liau liau ani.
Ei leh barin
Zu leh sa nen pawh kan mizo nun chu a lo mawi tawh thin. Tunah erawh zawng a chhe lai te thlauh thlain zu tel loin kan mawi leh zual ta. ‘sem sem dam dam, ei bil thi thi’ tih thu inrochuna puar leh fana kan han inthlah ho thin hi chu lungrualna tlanga min dintirtu ani ve alawm. Heng zawng hnuah hei hi ka lo hrechhuak ta a, tumah hi heng avang hian an mawi lo ‘Mizo’ te hi kan lo mawi tlang a lo ni zawk.
Hmunin min daih ta lo, Silver Jubilee chu mangtha phawt teh ang.
Mizo Val Ngei!
Nl. Ruth-i ‘Mizo val ngei’ hla mawlh kha,a bul tanna atan kan lo hre har! hla khan a sawi vek seng si lo a, thuin lo belh ang. Mizo nih nawm zia ngaihtuahna thar neihtirtu che anih loh chuan piansualna kawngkhat i nei! Nia Mizo a kan lo piang hi siamtu hnena lawmthu sawi mawlh mawlh na tham ani. Min hual vel tu kan vai thenawm te hian ‘zo’ ram nawmzia leh ‘zo’ mi nih nawmzia hi an suangtuah thiam lo. Anni chuan ‘sum’ ah an zawng a, keini chuan a thlawnin kan nei hlauh. Mahni pual a neih an tum a, keini zawngin kan zavai hian kan chen tlang hlauh si! Danglam ngailo thlamuanpui thlak mizo val khawi hmunah kan nei thei hi kan lawm e.
Ennawm Mizo lanu ngei!
A val lam ringawt ani lo, lanu lam te hlei hlei chhuanlam awmloa chhuan tlak an ni. Luhka ah min lo lawm tura an inpeih han hmuh ringawt pawh kha a thlamuan thlak! Eng cheivulna hranpa mah ngai loin an par vul ani. Bus tawtah hmel lama rual pawl lo tak tak te nen rawn inhnawh thinrim teuh hnuah ‘Aw hmeltha!’ tia chawivul ten an lo chiau au che kha chu i luangliam chu ani ber lawm ni! Kan hnamdang unaute chuan zah tak chungin mi an lo lawm thin ani thei e, keini erawh chuan zah bik nei lo in duhsakna nen kan in lawm tawn a, ‘thenna reng a awmlo’ tih hi mitinah atakin an pho lang a, hmangaihna an ngah, an sem zai thiam bawk tiin thlip mai ang!
Talent ropui
Kan thlen chin apianga kan mamawh tawk talent kan nei kim thei zel hi kan hausakna thuruk ani. Zai lama kan duailo chu thuhran, a belhchhah mite tihlim tel kan han thlir ho te kha ‘Indian Idol’ chu kan ngai lo teh ania. Zoram lama super star kan ngai lo, kan inchhawp sa vek. ‘India has got a talent’ pawh kan ngai lo, nursery zirlai naupang atanga putar innghak thlengin kan nei kim a, Paris lama thlawhna ticket nena in hum thlak ngai lo in kawtkaiah kan chhuan tleitir hmeltha in an pheichheh mawi min hlui a, ‘lenlai a rual lo apawi ber mai’ tih lo thunawn ta pawh ni ila, ka mawh lo ve.
Zirtu ata zirtur
Kan naupangte ‘an phak tawk atanah chuan a sang lua e’ tih tura lam an rawn thai kha chu lawmman siam sak ve tlak an ni. A zirtirtu lamin a zir nihmiang! Min tiphuisui mai ani lo a, rual u zawkte chona pawh ani tel. Kan naute hi kaihruaitu an awm phawt chuan zuitu ni turin an inpeih reng tih hi phat rual ani lo ka ti ta ani. Entawntlak zirtirtu ni tura kan inpeih thin lo hi a buaithlak lai chu ani. Mahni phak tawk theuha zirtu ni chunga zirtur nei turin tan han la thar leh teh ang.
Laichhuat chhirin
‘Tlai mah var ila, kan inning chuang lawng e’ tihte chu a thluk leh awmzia hre lo pawh ni la, kan nula tlangval ten lungruala laichhuat an rawn chhir meuh i hmuh chuan an zinga han tel ve a, ‘zamual chu liam lul suh’ han tih pui vawng vawng i chak ve ang. Kan tunlai khawvela zankhaw tairek thlenga lam thin khawvel nula tlangval te hian eng tuiril leh hlo mah hmanglo a kan han chai te kha chu min thik ngawtin ania ka rin ni! Zep thu cheng lo, keini pawh dawhsana han chuankai ve a, chawnban han theh ve ziai ziai mai kha kan suangtuah anih kha. A ropui e, hmanlai ata tawh tun thleng atana chuai theilo ennawm tling kan nei hi chawi nung zel teh ang u.
Zai ru Lalpa fakin
‘Khuanu’ tel lo chuan khuangchawi a kim lo. Zaia Lalpa fakna tel lo chuan keini zawng kan thiam lo. Zaia fak tur hian keini hi thlan bik kan ni te pawh ti ta ila, inchhuan na a ni dawn em ni! Pathian hi kan fak avanga mawi ni lovin, fak tlak leh chawimawi tlak ani hi a ropui na a ni a, chu fakna chuan a faktu keini engmah nilo te hi min lo chawimawi tel ve mai chauh a lo ni. Van zaipawl rual nen ‘Halelui’ kan rem hunah phei chuan he lei damchhung ni a kan lo chawimawi ve na te hi kan la sit cheu ang ti nia! Chumai ani hlei nem ‘vaivuta siam vaivuta kir leh tur’ milem din chawp hmaa zaia kan lam lo hi Amah min hmangaihtu vang liau liau ani.
Ei leh barin
Zu leh sa nen pawh kan mizo nun chu a lo mawi tawh thin. Tunah erawh zawng a chhe lai te thlauh thlain zu tel loin kan mawi leh zual ta. ‘sem sem dam dam, ei bil thi thi’ tih thu inrochuna puar leh fana kan han inthlah ho thin hi chu lungrualna tlanga min dintirtu ani ve alawm. Heng zawng hnuah hei hi ka lo hrechhuak ta a, tumah hi heng avang hian an mawi lo ‘Mizo’ te hi kan lo mawi tlang a lo ni zawk.
Hmunin min daih ta lo, Silver Jubilee chu mangtha phawt teh ang.
